साहारा चितवन बहुउद्देश्यीय सहकारी संस्थाको बचत रकम अपचलनको थुनछेक बहस मुद्दामा जाहेरवाला र वादीको तर्फबाट बहस सकिएको छ । अब रास्वपाका सभापति रवि लामिछाने पक्षका वकिलहरूको बहस सुरू भएको छ। सुरूमा सुशीलकुमार पन्तले बहस गरेका छन्।
यसअघि जाहेरीवाला (सहकारी पीडित) तर्फका वरिष्ठ अधिवक्ता दिनेश त्रिपाठी, राजकुमार श्रेष्ठ, अधिवक्ताहरु रामचन्द्र गौतम र सुनिता अधिकारीले बहस गरेका थिए।
चितवन जिल्ला अदालतका न्यायाधीश दयाराम ढकालको इजलासमा बिहीबार सुरूमा सरकार पक्षबाट बाराका जिल्ला न्यायाधिवक्ता शम्भुकुमार बस्नेत, पर्साका जिल्ला न्यायाधिवक्ता भोलानाथ निरौला र धादिङका जिल्ला न्यायाधिवक्ता दशरथ पंगेनीले थुनछेक बहस गरेका थिए।
