सहकारी रकम अपचलनको मुद्धामा बयान लिनका लागि राष्ट्रिय स्वतन्त्र पार्टीका सभापति रवि लामिछानेलाई आज चितवन ल्याइँदै छ । चितवन साहारा बहुउद्धेश्यिय सहकारी संस्थाको बचत रकम अपचलनको मुद्धामा लामिछानेलाई काठमाडौँबाट हवाईमार्फत चितवन ल्याउन लागिएको हो ।
लामिछानेलाई चितवन ल्याउने क्रममा सुरक्षाका लागि भरतपुर विमानस्थलमा ठूलो संख्यामा सुरक्षाकर्मी परिचालन गरिएको छ । विमानस्थलमा ओर्लिनेवित्तिकै बयानका लागि सिधै सरकारी वकिलको कार्यालयमा लैजाने प्रहरीको तयारी छ ।
चितवन साहारा सहकारीको रकम अपचलनको विषयमा पीडितहरुले पछिल्लो पटक रास्वपा सभापति लामिछानेसहित १० जना विरुद्ध पुरक जाहेरी दिएका थिए ।
