चितवनमा आइतवार दुई जनाको शव फेला परेको छ । एउटा शवको सनाखत हुन बाँकी रहेको प्रहरीले बताएको छ ।
जिल्ला प्रहरी कार्यालय चितवनका अनुसार भरतपुर महानगरपालिका–५ गुलाब बागमा आइतवार बिहान ९ बजे नवलपरासी देवचुली नगरपालिका–७ बस्ने वर्ष ५१ को मित्र बहादुर केसीको शव फेला परेको हो । मृतककी श्रीमति गोमा न्यौपानेले शवको सनाखत गरेको र घटनाको विषयमा अनुसन्धान भइरहेको प्रहरीले बताएको छ ।
त्यस्तै, आइतवार बेलुका ५ः२५ बजे इच्छाकामना गाउँपालिका–४ लेवाटारस्थित त्रिशूली नदी किनारमा भेटिएको शवको सनाखत हुन बाँकी रहेको प्रहरी कार्यालयले जानकारी दिएको छ । त्रिशूली नदी किनारमा अन्दाजी ४० वर्षीय एक पुरुषको शव फेला परेको हो ।
