नेपाली राष्ट्रिय क्रिकेट टिमका पूर्वप्रशिक्षक उमेश पटवाल नेपाल प्रिमियर लिगको फ्रेन्चाइज चितवन राइनोजको प्रशिक्षक बन्ने पक्का भएको छ । नेपाल प्रिमियर लिग (एनपीएल) का लागि पटवाल प्रशिक्षक बन्न सहमत भएको चितवन राइनोजले जनाएको छ । तर, पटवालसँग प्रशिक्षकका लागि आधिकारिक सम्झौता भने हुन बाँकी रहेको चितवन राइनोज स्रोतले जनाएको छ ।
एनपीएलको अक्सन २० असोजमा काठमाडौंमा हुँदै छ । अक्सनअघि चितवन राइनोजले पटवाललाई प्रशिक्षकका रूपमा घोषणा गर्ने तयारी छ ।
नेपाली राष्ट्रिय टिमका पूर्वप्रशिक्षक पटवालले सन् २०२१ मा एभरेस्ट प्रिमियर लिगमा पोखराको प्रशिक्षण सम्हालेका थिए । त्यसअघि सन् २०१८ मा भएको पोखरा प्रिमियर लिगमा पटवालले निर्देशकका रूपमा काम गरेका थिए ।
