नेपाली बजारमा आज पनि सुनको मूल्यले नयाँ रेकर्ड बनाएको छ । हिजो (बिशीबार) एक सयले घटेको सुन आज (शुक्रबार) एकैदिन तोलामा तीन हजारले बढेर नयाँ रेकर्ड कायम गरेको छ ।
योसँगै आज सुनको भाउ अहिलेसम्मकै उच्च तोलाको एक लाख ५६ हजार तीन सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
त्यस्तै आज चाँदीको मूल्य पनि एकैदिन तोलामा ६५ रुपैयाँले बढेको छ । आज चाँदीको मूल्य तोलामा एक हजार आठ सय ६० रुपैयाँ कायम भएको महासङ्घले जनाएको छ । हिजो चाँदीको मूल्य तोलाको एक हजार सात सय ९५ रुपैयाँ थियो ।
