नेपाल क्रिकेट संघ (क्यान)ले क्यानडामा हुने आईसीसी विश्व लिग २ त्रिकोणात्मक सिरिज खेल्ने नेपाली टोलीको बिदाइ गरेको छ । आगामी १६ देखि २४ सेप्टेम्बरसम्म क्यानडा र ओमानविरुद्ध हुने त्रिकोणात्मक सिरिज खेल्ने टोलीलाई क्यानले मंगलबार बिदाइ गरेको हो ।
नेपालले १६ र २२ सेप्टेम्बरमा क्यानडासँग खेल्नेछ । त्यस्तै १८ र २४ सेप्टेम्बरमा ओमानसँग खेल्नेछ ।लिग अन्तर्गत पहिलो नेपालमै भएको पहिलो सिरिजमा ४ मध्ये नेपालले एउटा मात्रै खेल जितेको थियो ।
८ टिम रहेको यो लिगमा नेदरल्याण्ड्स ८ खेलबाट १२ अंकसहित तालिकाका अग्रस्थानमा छ । स्कटल्याण्ड ९ अंकसहित दोस्रो, क्यानडा ८ अंकसहित तेस्रो, नामिबिया ८ अंकसहित चौथो, अमरिका ४ अंकसहित पाँचौ, ओमान ३ अंकसहित छैटौं र नेपाल २ अंकसहित सातौं स्थानमा छन् । ३ खेल खेलेको यूएईले अहिलेसम्म खाता खोल्न सकेको छैन ।
