पृथ्वीराजमार्ग अन्तर्गत पर्ने चितवनको इच्छाकामना गाउँपालिका–४ कुरिनघाटमा बस र ट्रक आपसमा ठोक्किँदा बसमा सवार ४ जना घाइते भएका छन् ।
आज बिहान ३ बजेको समयमा सर्लाहीबाट काठमाडौँतर्फ जाँदै गरेको ना ८ ख ७३३४ नम्बरको बसलाई विपरीत दिशाबाट आएको बागमती प्रदेश ०३–००१ ख २०९४ नम्बरको ट्रकले ठक्कर दिएको हो ।
दुवै सवारी साधनमा सामान्य क्षति भएको र बस गन्तव्यतर्फ लागेको प्रहरीले जनाएको छ । काठमाडौँमै उपचार गर्ने भनि घाइतेहरु पनि सोहि बसमा चढी गएको जिल्ला प्रहरी कार्यालय चितवनले जानकारी दिएको छ ।
घाइते हुनेमा सर्लाही चन्द्रनगर गाउँपालिका–८ बस्ने वर्ष १३ को अमन कुमार यादव, निजको आमा वर्ष ३६ की संगीता यादव, सोहि ठाउँ बस्ने वर्ष ३४ को राम प्रवेश यादव र बारा पचुलका नगरपालिका–७ बस्ने वर्ष २५ को रमेश शर्मा रहेका छन् । उनीहरु चार जनाकै अवस्था सामान्य छ ।
बसको चालक सर्लाही हरिपुर नगरपालिका–७ बस्ने वर्ष ३५ को दरप लाल कुमार प्रहरीको सम्पर्कमा रहेका छन् ।
