देश/प्रदेश
भिडियो बनाउने हेतुले कुकुरको बच्चालाई तड्पाउँदै हत्या गर्ने तीन जना पक्राउ
![Banner](https://narayanionline.com/wp-content/uploads/2024/06/nepal-dog-names.jpg)
इलाम, असार ३-
इलाम कुकुरको बच्चालाई तड्पाउँदै हत्या गर्ने तीन जना पक्राउ परेका छन् । जिल्ला प्रहरी कार्यलय इलामले कुकुरको बच्चालाई कुट्दै जिउँदै खाल्डोमा पुर्नेमध्ये तीन जना युवालाई पक्राउ गरेको हो ।
पशु कल्याण संघ काठमाडौंले कुकुरको बच्चा हत्या गर्नेहरु बिरुद्ध इलाम प्रहरीमा जाहेरी दिएका थिए । सो जाहेरी दर्ता भए लगत्तै देउमाइ नगरपालिकास्थित जितपुरबाट तीन युवा प्रकाउ परेका हुन् ।
भिडियो बनाउने हेतुले ती युवाहरुले कुकुरको बच्चालाई तड्पाई–तड्पाई हत्या गरेका थिए । सुगम मोराहाङ लिम्बु नामको फेसबुक एकाउन्टमा सो भिडियो पोस्ट भएको थियो, जुन अहिले हटाइएको छ ।
संघले काठमाडौंबाट प्रतिनिधि पठाएर जिप्रका इलाममा जाहेरी दर्ता गराएको थियो । जाहेरीमा मूलुकी अपराध संहिता २०४७ अनुसार हदैसम्मको कारबाही गरिपाउँ भनी माग गरिएको छ ।
नेपालको प्रचलित कानुनले कुनैपनि पशुप्राणीलाई निर्दयी व्यवहार गर्न, क्रुरतापूर्वक हत्या गर्न बन्देज गरेको छ । यस्ता कृत्य गर्नेलाई तीन महिनासम्म कैद र पाँच हजार रुपैयाँसम्म जरिवाना हुनसक्ने प्रावधान छ ।
मुलुकी अपराध संहिता २०७५ ले कुनैपनि पशुप्राणीलाई क्रुरतापूर्वक हत्या गर्नु ‘अपराध’ भनेको छ ।