चितवन विशेष
पहिरोले अवरुद्ध भएको मुग्लिङ–नौविसे सडक खुल्यो
०
![Banner](https://narayanionline.com/wp-content/uploads/2024/06/mugling-fisling-pahiro-2-1024x769-1.jpg)
चितवन, असार ३-
पहिरो गएपछि अवरुद्ध भएको मुग्लिङ–नौविसे सडक सञ्चालनमा आएको छ ।
आइतबार राति वर्षासँगै आएको पहिरोले पृथ्वी राजमार्गको मुग्लिङ–नौबिसे सडक खण्ड अवरुद्ध भएको थियो ।
रातिदेखिको प्रयासमा सडकमा खसेको लेदो हटाएर दुईतर्फी सडक सञ्चालनमा ल्याइएको इलाका प्रहरी कार्यालय मुग्लिङकी प्रमुख निरला भण्डारीले जानकारी दिइन् ।
इच्छाकामना गाउँपालिका–३ फिस्लिङ र मौवाखोलाको बीचमा पहिरो खसेको थियो । पहिरो गएलगत्तै रातिदेखि नै लेदो पन्छाउने काम सुरु गरिएको थियो ।
सडक सञ्चालन भएपश्चात सवारी साधन गन्तव्यमा लागेका छन् । तर, राति तीन बजेदेखि नै सवारी आवागमन अवरुद्ध भएकोले सडकमा लामो जाम लागेको छ ।
फोटो : दानबहादुर गुरुङ
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>