नवलपुर
कावासोती घटनामा स्थानीय र प्रशासनबीच १० बुँदे सहमति
![Banner](https://narayanionline.com/wp-content/uploads/2024/06/kawasoti.jpg)
नवलपर,जेठ ३२-
नवलपरासी (सुस्तापूर्व)को सदरमुकाम कावासोती घटनामा स्थानीय प्रशासन र स्थानीयवासीबीच १० बुँदे सहमति भएको छ । ढल निर्माण गर्ने क्रममा बिहीबार खाल्डोमा पुरिएर तीन मजदुरको निधन भएपछि शुक्रबार कावासोती नगरपालिका कार्यालय आसपास क्षेत्र तनावग्रस्त बनेको थियो ।
शुक्रबार दिउँसो दुई पक्षबीच मृतक परिवारका एक सदस्यलाई रोजगारी दिने तथा रोजगारी पुस्तान्तरण गर्ने, घटनास्थलमा मृतकको शिलालेख तयार गर्नेलगायतका सहमति भएको हो । ढल निर्माण गर्ने क्रममा बिहीबार ढिस्कोले पुरिएर कावासोती नगरपालिका– ५ लक्ष्मीनगर निवासी ५१ वर्षीया सेती राना, २६ वर्षीया तानमाया गाहा र ३२ वर्षीया चमेली दर्लामीको मृत्यु भएको थियो ।
राजमार्ग किनारमै नाला खन्दा नगरपालिका र ठेकेदारले आवश्यक सावधानी नअपनाएको भन्दै स्थानीयले विरोध जनाएका थिए । आन्दोलनमा उत्रिएका स्थानीयले कावासोती नगरपालिका कार्यालय र मेयर विष्णुप्रसाद भुषालको घरमा समेत तोडफोड गरेका थिए ।
आन्दोलन नियन्त्रणमा लिन प्रहरीले अश्रु ग्यास प्रहार गरेको थियो । घटनामा केही घाइते भएका छन् ।
यस्तो छ सहमति