महोत्तरीको गौशालामा अज्ञात समूहले चलएको गोली लागि एक व्यक्ति घाइते भएका छन् । सोमबार साँझ साढे ५ बजे गौशालास्थित मडाह खोलामा गोली चलेको प्रहरीले जनाएको छ ।
गोली लागि घाइते हुनेमा गौशाला-५ का अन्दाजी ३८ वर्षका विनयकुमार महतो रहेका जिल्ला प्रहरी कार्यालय महोत्तरीका डिएसपी सन्तुलाल जयसवालले जानकारी दिए । महतोको गौशाला प्राथमिक उपचार केन्द्रमा उपचार पछि जनकपुर रेफर गरिएको जयसवालले बताए । मडाह नदीमा पैदल यात्रीलाई मोटरसाइकलमा आएको अज्ञात समूहले गोली चलाएको प्रारम्भिक सूचना रहेको र घटनाबारे थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
