Breaking News
आईसीसी यू-१९ विश्वकपः नेपाल बंगलादेशसँग पाँच विकेटले पराजित
०
काठमाडौं,माघ १७-
दक्षिण अफ्रिकामा जारी आईसीसी यू-१९ विश्वकपको सुपर सिक्सको आफ्नो पहिलो खेलमा नेपालले बंगलादेशसँग ५ विकेटको हार व्यहोरेको छ । नेपालले दिएको एक सय ७० रनको लक्ष्य बंगलादेशले २५.२ ओभरमा ५ विकेट गुमाएर पूरा गर्यो । बंगलादेशका अरिफुल इस्लामले अविजित ५९ रन बनाए । जिसन आलमले ५५ रन बनाए । नेपालका सुबास भन्डारी एक्लैले ५ विकेट लिए । पहिलो विकेटका लागि ६७ रनको साझेदारी गरेको बंगलादेश कुनै पनि समय दबाबमा देखिएन ।
त्यसअघि पहिला ब्याटिङ गरेको नेपालले ४९.५ ओभरमा सबै विकेट गुमाएर १६९ रन जोडेको थियो । नेपालका विशाल विक्रम केसीले ४८ र कप्तान देव खनालले ३५ रन बनाएका थिए । उनीहरुले चौथो विकेटका लागि ६२ रनको साझेदारी गरेपनि अन्य ब्याट्सम्यानले राम्रो प्रदर्शन गर्न सकेनन् । नेपालले अब दोस्रो तथा अन्तिम खेलमा भारतसँग प्रतिस्पर्धा गर्ने छ ।
तपाइको प्रतिक्रिया दिनुहोस्
Leave a Reply
सम्बन्धित समाचार
लोकप्रिय समाचार
ताजा समाचार
छुटाउनु भयो कि?
>