सिक्किमबाट पक्राउ परेकी युट्युबरलाई प्रहरीले रिहा गरेको छ । सिक्किमको सञ्चारमाध्यम द सिक्किम क्रोनिकल्सका अनुसार खोटाङकी युट्युबर उमा चाम्लिङ राईलाई अनुसन्धानको घेरामा राखेर नेपाल फिर्ता गरिएको हो ।
साम्प्रदायिक अशान्ति फैलाएको आरोपमा सिक्किमको सदर थाना प्रहरी चौकीको प्रहरीले शनिवार उमालाई पक्राउ गरेको थियो । उमामाथि लागेको आरोप अनुसन्धानकै क्रममा रहेको र बोलाएको बेलामा अदालतमा हाजिर हुन आउनुपर्ने खबरमा उल्लेख छ ।
