ओएसआर डिजिटलका सञ्चालक ओम अग्रवाल फिल्म ‘प्रसाद २’ को विवादमा पक्राउ परेका छन् । प्रहरी वृत्त बौद्धका अनुसार शुक्रबार पक्राउ परेका अग्रवाललाई म्याद थपका लागि आज (आइतबार) जिल्ला अदालतमा उपस्थित गराइँदैछ ।
‘प्रसाद २’ का निर्माता सुदर्शन बस्नेतको उजुरीपछि प्रहरीले अग्रवाललाई पक्राउ गरेको हो । उनलाई शुक्रबार सिंहदरबार वृत्तले पक्राउ गरेर अनुसन्धानका लागि बौद्ध प्रहरीलाई बुझाएको थियो ।
अहिले अग्रवाललाई बौद्ध प्रहरीको हिरासतमा राखिएको छ ।
