Breaking News
नेपालले पाकिस्तान ‘ए’लाई दियो १८० रनको लक्ष्य
काठमाडौँ, असार २९–
सोमपाल कामीको महत्वपूर्ण प्रदर्शनमा नेपालले एसीसी इमर्जिङ टिम्स एसिया कपमा पाकिस्तान ‘ए’ लाई १८० रनको लक्ष्य पेश गरेको छ ।
टस जितेर पहिले व्याटिङ गरेको नेपाल ३७ ओभरमा सबै विकेट गुमाउँदै १७९ जोड्यो । एक समय लज्जासपूर्ण अवस्थामा पुगेको नेपाललाई सोमपालले केही राहत दिलाए । उनी व्यक्तिगत ७५ रनमा आउट भए । ३७औं ओभरमा एक रन लिने चक्करमा सोमपाल विकेटकिपरबाट क्याच हुन पुगे । सोमपालले ७७ बलमा चौका प्रहार गर्दै अर्धशतक पुरा गरेका थिए ।
नेपालका अन्य कुनै पनि व्याटरले उत्कृष्ट प्रदर्शन गर्न सकेनन् । सोमपाललाई महत्वपूर्ण पारी खेल्न प्रतिश जिशीले महत्वपूर्ण साझेदारी गरे । यी दुई अर्धशतक साझेदारी गरेका थिए । प्रतिश २६ रनमा आउट भए । नेपालले खराब व्याटिङ गर्दै पहिलो पावर प्ले १० ओभर भित्रै ४३ रन बनाउँदै महत्वपूर्ण ६ विकेट गुमाई सकेको थियो । पाकिस्तानका सहनबाजले ५ विकेट लिए ।
समूह ‘बी’मा रहेको नेपालले दोस्रो खेलमा भारत ‘ए’ र अन्तिम खेलमा युएई ‘ए’संग खेल्ने छ । समूहका २ टिम सेमीफाइनलमा पुग्ने छ ।