चितवन विशेष
रत्ननगरका विश्वप्रकाश अधिकारी तीन दिन देखि सम्पर्कविहिन
चितवन, जेठ ३०–
रत्ननगर नगरपालिका–१२ मनकामना टोलका ६० वर्षीय विश्वप्रकाश अधिकारी तीन दिन देखि सम्पर्कविहिन भएका छन् । जेठ २७ गते शनिबार दिउँसो साढे १२ बजे नारायणगढबाट घर फर्किन लागेको जानकारी दिएका अधिकारी त्यसपछि सम्पर्कविहिन भएको उनको परिवारले बताएको छ ।
छोरा विमोचन अधिकारीका अनुसार बुबा विश्वप्रकाश शनिबार बिहान ९ बजे एक जना व्यक्तिलाई भेटेर आउने भन्दै नारायणगढ आएका थिए । ‘घर परिवारमा केहि भन्नुभएको थिएन । तनावमा पनि देखिनुभएको थिएन’, विमोचनले भने, ‘नारायणगढबाट साढे १२ बजेतिर मलाई फोन गरेर फर्किन लागेको भन्नुभएको थियो । त्यसपछि सम्पर्कविहिन हुनुभयो ।’
विश्वप्रकाशले कालो पाइन्ट, घ्यु रङको टिसर्ट र निलो छत्रे टोपी लगाएका छन् । बुबाको खोजी गरिदिन भन्दै इलाका प्रहरी कार्यालय टाँडीमा आइतबार निवेदन पनि दिइएको उनले बताए । बुबालाई कसैले देखेमा ९८५११६८५५८ मा खबर गरिदिन उनले आग्रह गरेका छन् ।