पूर्वपश्चिम राजमार्गअन्तर्गत मकवनापुरको मनहरी गाउँपालिका-६ स्थित नयाँबस्ती भन्ने स्थानमा बस दुर्घटना भएको छ । आज दिउँसो करिब पौने ४ बजे चितवनबाट हेटौँडा आउँदै गरेको ना ७ ख १३२६ नम्बरको बस अनियन्त्रित भएर पल्टिएको प्रहरीले जनाएको छ।
बस सडकबाट करिब २०-२५ फिट तल बारीमा पल्टिएको जिल्ला प्रहरी कार्यालय मकवानपुर बताएको छ । दुर्घटनामा घाइतेहरूको उद्धार गरी भरतपुरतर्फ पठाइएको प्रहरीले जनाएको छ । दुर्घटनामा के कति क्षति भयो त्यसको विवरण भने आउन बाँकी छ।
