हरेक नेपालीको ढुकढुकी जनकवि केशरी धर्मराज थापाको शब्द, सङ्गीत र स्वर रहेको चर्चित गीत ‘हरियो भन्नु’लाई पुनः रेकर्ड गरी सार्वजनिक गरिएको छ ।
मंगोलियन हर्टका लोकप्रिय गायक राजु लामाको स्वरमा आएको गीतमा पहिला भन्दा थोरै परिमार्जन गर्दै फिमेल भोकल समेत राखिएको छ । गीतको फिमेल भर्सनका लागि मन्दिरा ढुङ्गेलले शब्द गरेकी छन् । गीतमा महिला स्वर भने तारा श्रीस मगरको छ ।
यो गीत पहिलो पटक बिसं २०१० सालमा कलकत्तामा रेकर्ड भएको थियो ।
