अभिनेता पूर्णविक्रम शाह (पल शाह) लाई भोलि एयरपोर्टमा स्वागत गर्ने तयारी भएको छ । बाल यौन दुरुपयोगको मुद्दामा उच्च अदालत पोखराबाट सफाइ पाएका अभिनेता शाह आज पोखरा बस्ने भएकै कारण भोलि काठमाडौँ आउने बित्तिकै एयरपोर्टमा स्वागत गरिने भएको हो ।
पलनिकट संगीतकार योगेशकाजीका अनुसार बिहान साढे ११ बजे तनहुँ कारागारबाट रिहा भएका शाह आज पोखरा लाग्नेछन् । एकदिन पोखरामा आराम गरेर भोलि मात्र काठमाडौं आइपुग्ने तयारी छ ।
काठमाडौंमा आउने बित्तिकै उनलाई एयरपोर्टमा स्वागत गर्ने तयारीमा उनी निकट फिल्म र संगीतकर्मी देखिएका छन् ।
शाह नाबालिक बलात्कारको आरोप लागेपछि पोहोर आजकै दिन अर्थात फागुन १५ गते जिल्ला प्रहरी कार्यालय तनहुँमा आत्मसमर्पण गरेका उनी आज फागुन १५ मै रिहा भएका हुन् ।
