अभिनेता अनमोल केसीले ‘कबड्डी ५’ खेल्ने चाहना व्यक्त गरेका छन् । निर्देशक रामबाबु गुरुङले आफूलाई फिट देखे उक्त श्रृंखलामा जोडिन तयार रहेको उनले बताए ।
दुबईको स्टार सिनेमाज् मल्टिप्लेक्समा आयोजित ‘कबड्डी ४’ को स्क्रिनिङमा सहभागी भएका अनमोलले ‘कबड्डी’ आफ्नो मनपर्ने फिल्म समेत भएको बताए ।
अनमोलले पूरै समय बसेर कबड्डी ४ हेरे । यो फिल्म हेर्न उनलाई अभिनेत्री उपासना सिंह ठकुरीले पनि साथ दिएकी थिइन् । उपासनाले कबड्डी ३ मा अभिनय गरेकी थिइन् ।
