लोकदोहोरी गायक भीम पौडेलको पार्थिव शरिरलाई आज पोखरास्थित रामघाटमा अन्तिम संस्कार गरिने भएको छ । राष्ट्रिय लोकदोहोरी गीत प्रतिष्ठानका अध्यक्ष रमेश बीजीले गायक पौडेलको निधन भएको जानकारी दिएका हुन् । दर्जनौं गीत गाएर चर्चित बनेका उनको निधन स्याङ्जास्थित घरमै भएको हो ।
रक्तअल्पताको कारण दुई महिनादेखि बिरामी भएर उपचार गराइरहेका थिए । प्रतिष्ठानका अध्यक्ष बीजीले फेसबुकमार्फत श्रद्धाञ्जली व्यक्त गर्दै आफू स्तब्ध भएको उल्लेख गरेका छन् र उनलाई श्रद्धाञ्जली दिन काठमाडौंबाट केही कलाकार पोखरा जाँदैछन् ।
