आइतबार राती सम्पन्न फिफा विश्वकप फुटबलको फाइनल खेलमा बलिउड स्टारहरु पनि चम्किए । कतारको लुसैल रंगशालामा दीपिका पादुकोणदेखि नोरा फतेहीसम्म आकर्षणको केन्द्र बने ।
विश्व फेसन ब्राण्ड लुइस भिटनकी व्यवसायिक दूत समेत रहेकी अभिनेत्री पादुकोणले विश्वकपको चम्किलो ट्रफी अनावरण गरिन् । अर्जेन्टिना र फ्रान्सबीचको खेल हेर्न दीपिकाका पति तथा अभिनेता रणवीर सिंह पनि दोहा पुगेका थिए ।
त्यस्तै फिफा समापनमा बलिउड अभिनेत्री नोरा फतेहीले ‘लाइट द स्काइ’लाई हिन्दीमा गाउँदै मनोरञ्जन प्रदान गरिन् । अन्य बलिउड कलाकारले पनि विश्वकप फाइनल खेललाई लिएर उत्साह व्यक्त गरेका छन् ।
