सरकारले ल्याएको अध्यादेश प्रमाणीकरणको माग गर्दै थारु समुदायले काठमाडौँको माईतीघर मण्डलामा धर्ना दिएका छन् ।
टीकापुर घटनामा जन्मकैदको सजाय भोगिरहेका रेशम चौधरीलाई छुटाउन सरकारले अध्यादेश ल्याउँदै प्रमाणीकरणको लागि राष्ट्रपति समक्ष पेश गरेको छ । सो अध्यादेशलाई प्रमाणीकरण गर्न माग गर्दै थारु समुदायले धर्ना सुरु गरेका हुन् ।
सरकारले गत आइतबार टीकापुर घटनामा सजाय भोगिरहेका चौधरीलाई छुटाउने मनशायसहित मुलुकी फौजदारी कार्यविधि संहिता २०७४ को दफा ११६ मा संशोधन गर्न अध्यादेश ल्याउने निर्णय गरेको थियो ।
थारु कल्याणकारिणी सभा र थारुहट/थारुवान संयुक्त संघर्ष समितिले आयोजना गरेको धर्नामा थारु समुदायसँग सम्बन्धित पार्टी, संघ, संगठन तथा व्यक्तिहरुको उपस्थिति रहेको थियो ।
