नेकपा एमालेबाट प्रतिनिधिसभा उम्मेदवार शेरधन राईको गृहपालिका आमचोकमा कांग्रेस र माओवादीका नेता-कार्यकर्ता एमाले प्रवेश गरेका छन् । आमचोक-८ दुम्मानामा बिहीबार आयोजित चुनावी कार्यक्रममा ५५ जनाभन्दा बढी एमाले प्रवेश गरेका हुन् ।
सचिव किरण राईले बताए अनुसार पछिल्लो दुईपटक माओवादीले जितेको यो पालिकामा एमालेलाई परेको चोट बिहीबारको प्रवेशले मंसिर ४ का लागि पूर्ति दिएको छ ।
उनीहरूले देशको विकास र समृद्धि एमालेबाट मात्र सम्भव भएको र मुख्यमन्त्री हुँदा शेरधन राईले उल्लेख्य काम गरेको भन्दै कांग्रेस(माओवादी गठबन्धन सत्ताका लागि मात्र भएको आरोप लगाएका छन् ।
