चाबहिलस्थित मेडिकेयर अस्पतालमा उपचारत लोकप्रिय हास्य कलाकार रामचन्द्र अधिकारीको स्वास्थ्यमा सुधार आएको छ । १० दिन अगाडि निमोनिया लगायतको समस्याका कारण उपचारका लागि उनी अस्पताल भर्ना भएका थिए ।
अधिकारीको श्रीमती शिखा अधिकारीका अनुसार उनको स्वास्थ्यमा राम्रो सुधार भएको छ र दर्शकमाझ ‘काजी साप’ उपनामले परिचित कलाकार अधिकारीलाई सुरुमा आईसियूमा भर्ना गरिएपनि अहिले क्याबिनमा राखिएको छ । ‘अब केही दिनमा अस्पतालले डिस्चार्ज दिनेछ’ उनकी श्रीमती सिखाले भनिन् ।
