तनहुँ, कात्तिक २-

पृथ्वीराजमार्ग अन्तर्गत तनहुँको व्यास नगरपालिका–१ तालघरे नजिक सिंगुसले चिल्दा एक जनाको मृत्यु भएको छ । जिल्ला प्रहरी कार्यालय तनहुँका प्रवक्ता युवराज खड़काका अनुसार व्यास नगरपालिका–११ निवासी ६७ वर्षीय गंगाप्रसाद सुवेदीको मृत्यु भएको हो ।

शरीरभरि सिंगुसले टोकेर घाइते भएका सुवेदीको दमौली अस्पतालमा उपचारको क्रममा मृत्यु भएको थियो । उनलाई दुई सय भन्दा बढी सिंगुसले टोकेको उपचारमा संलग्न चिकित्सकहरुले बताएका छन् ।

त्यस्तै सिमलको रुखमा रहेको सिंगुसले चिल्दा अरु ६ जना घाइते भएका छन् र उनीहरुको दमौली अस्पतालमा उपचार भैरहेको छ ।