नेपालको सबैभन्दा ठूलो इन्टरनेट र टिभी सेवा प्रदायक मध्येको एक भायानेट कम्युनिकेसन्सले आफ्नो सञ्चालनको २३ वर्ष पूरा गरेको छ। भायानेट उत्कृष्ट डिजिटल सेवाहरू मार्फत ग्राहकहरूलाई सेवा दिने उद्देश्यका साथ सन् १९९९ मा स्थापना भएको थियो।यो अवधिमा कम्पनीले भरपर्दो ब्रोडब्यान्ड इन्टरनेट र उत्कृष्ट आईपिटिभी सेवाहरू माइनोभेटिभ कम्पनीको रुपमा स्थापित भएको छ।
सन् २०११ मा भायानेट नेपालमै पहिलो पटक फाइबर अप्टिक्स टेक्नोलोजीको सुरुवात गर्ने कम्पनी बन्यो। यसरी भायानेट कुनै पनि स्यरिङ रेसियो बिना डेडीकेटेड इन्टरनेट मार्फत द्रुत गतिको इन्टरनेट प्रदान गर्ने कम्पनी पनि बन्न पुगेको हो । त्यसैगरी सन्२०१६ मा भायानेट आईपीटीभी सेवाहरू प्रस्तुत गर्ने पहिलो कम्पनी मध्ये एकबनी नेपाली ग्राहकहरूको टिभी हेर्ने अनुभवलाई परिष्कृत बनाउन सघाएको कम्पनीको भनाई छ ।
भायानेटले आफ्नो अल्ट्रा–फाई इन्टरनेट लाइनअपहरू मार्फत बजारमा उपलब्ध इन्टरनेटका सबै भन्दा राम्रो विकल्पको रुपमा लाखौं ग्राहकलाई सेवा दिँदै आईरहेको कम्पनीको भनाई छ।
भायानेटको अर्को उत्कृष्ट उत्पादन भायाटिभीले सस्तो दरमा १७५ं टिभि च्यानलहरू उपलब्ध गराउँदै आएको छ। कम्पनीले भर्खरै भाया टिभीलाई भायाटिभी२.० मा अपग्रेड गरी अलग–अलग दर्शक प्रोफाइलहरू, पिक्चर–इन–पिक्चर मोड, पे–पर–भिउ लगायतका आधुनिक फिचरहरू लिएर आएको छ।
आफ्नो २३औं वार्षिकोत्सवको अवसरमा कम्पनीले यस यात्रालाई स्मरणीय र रोचक बनाउन हरदमसाथ दिएकोमा आफ्ना सम्पूर्ण ग्राहकवर्ग, कर्मचारी र अन्य सरोकारवालाहरूलाई धन्यवाद दिएको छ।
भविष्यमा भायानेट कम्युनिकेसनले व्यक्तिगत तथा व्यावसायिक उद्देश्यका लागि इन्टरनेट, टिभी र अन्य डिजिटल सेवाहरूको नियमित मागहरू पूरा गर्न आफ्ना उत्पादन र सेवाहरूलाई अझ बढी व्यवस्थित र विस्तारित गराउने उद्देश्य राखेको छ।
