चितवनको भरतपुर महानगरपालिका–२६, स्थित ज्योतिनगरमा रहेको दिवा स्याहार केन्द्रमा संचालित तीन दिने निःशुल्क फिजियोथेरापी कार्यक्रम शुक्रबार सम्पन्न भएको छ । ‘तिमीसँग आन्विका अभियान’ अन्तर्गत विश्व मस्तिष्क पक्षाघात दिवस, २०२२ को अवसरमा तीन महिने निःशुल्क फिजियोथेरापी आयोजना गरेको थियो ।
समापन कार्यक्रमको प्रमुख अतिथि भरतपुर वडा नं.२६ का वडाध्यक्ष ज्ञानप्रसाद खनाल प्रमुख अतिथि रहेका थिए भने विशिष्ट अतिथिमा अनिल जयासवाल तथा पुष्पाञ्जली हस्पिटलका फिजियोथेरापिष्ट मदन प्रसाद घिमिरे रहेका थिए । यस अभियानमा केन्द्रका मस्तिष्क पक्षघात भएका १२ जना बाबालबालिकाहरुले सेवा प्राप्त गरेका थिए ।
कार्यक्रममा सहयोगी भूमिका निर्वाह गरेका ‘तिमीसँग आन्विका अभियान’का अभियान्त नरेश कुमार प्रधानलाई विशेष धन्यवाद दिईएको छ । यस कार्यक्रमलाई आगामि दिनमा निरन्तरता दिईने संस्थाका अध्यक्ष लक्ष्मीकान्त घिमिरेले बताए।
