नेपाली कांग्रेसले कारवाही गरेका चितवनका पूर्वसांसद भीमबहादुर श्रेष्ठसहित चार नेताको कारवाही फुकुवा गरेको छ ।
कांग्रेस केन्द्रीय समितिको निर्णय अनुसार कांग्रेस चितवनले श्रेष्ठसहित चार नेताको कारवाही फुकुवा गर्ने निर्णय गरेको हो । कारवाही फुकुवा हुनेमा श्रेष्ठसहित नेपाल तरुणदल चितवनका पूर्वअध्यक्ष शम्भु अर्याल, पूर्व सचिव आनन्द राउत, कांग्रेसका क्षेत्रीय प्रतिनिधि सूर्य बस्नेत र क्रियाशिल सदस्य केशव पौडेल रहेका छन् ।
कांग्रेस केन्द्रीय समितिले आसन्न संघ र प्रदेशको निर्वाचनमा खेल्ने भूमिकाको आधारमा कारवाहीमा परेका नेता तथा कार्यकर्ताहरुको कारवाही फुकुवा गर्ने निर्णय गरेको थियो । सोही आधारमा पूर्वसांसद श्रेष्ठसहित चार नेतालाई साविककै हैसियतमा रहेर पार्टीको क्रियाकलापमा सहभागि हुने निर्णय गरिएको जिल्ला सभापति राजेश्वर खनालले जानकारी दिए ।
