नेकपा (एमाले)ले चितवन क्षेत्र नं.३ को प्रदेश सभातर्फका उम्मेदवार टुंगो लगाएको छ ।
प्रतिनिधिसभामा राप्रपासंग तालमेलको प्रयास गरेपछि प्रदेशसभातर्फको उम्मेदवार मात्रै टुंगो लगाएको हो । प्रदेशसभातर्फ ३ (क)मा कृष्ण भुर्तेलले टिकट पाएका छन् । भुर्तेल यसअघि पनि सोही क्षेत्रबाट निर्वाचित भएका थिए । ३ (ख)मा सरस्वती विष्टले टिकट पाएकी छन् ।
एमालेले ३ संगै क्षेत्र नं.२ को पनि टुंगो लगाएको छ । २ को प्रतिनिधिसभामा कृष्णभक्त पोखरेलले टिकट पाउँदा २ (क)मा कृष्ण सिलवाल र २ (ख)मा देवी ज्ञवालीले टिकट पाएका छन् । एमालेले क्षेत्र नं.१ को प्रतिनिधिसभा र प्रदेशसभाको उम्मेदवार टुंगो लगाउन बाँकी छ ।
