भरतपुर महानगरपालिकाकी मेयर रेनु दाहालले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ गोरखा–२ बाट चुनाव लड्ने अवस्था आउनु चितवनबासीको लागि दुर्भाग्य रहेको प्रतिक्रिया दिएकी छन् ।
सामाजिक संजाल फेसबुकमार्फत दाहालले आज राति ‘दुःखदः चितवनबासीका लागि दुर्भाग्य’ भन्दै प्रतिक्रिया दिएकी हुन् । उनले लेखेकी छन्–‘दुःखः चितवनबासीका लागि दुर्भाग्य, स्तब्ध, भित्री बाहिरी बाहिरी षड्यन्त्रकारीहरुको नियत इतिहासले पक्कै उजागर गर्नेछ ।’
माओवादी केन्द्रले केहीबेर अगाडि प्रचण्डलाई गोरखा–२ बाट चुनाव लडाउने निर्णय गरेको थियो ।
