चितवन, असोज २१–

नारायणी नदीमा पानीको बहाब घट्दो क्रममा रहेको छ । तर पानीको सतह अझै सतर्कता तह भन्दा माथि नै छ ।

विहान ८ बजेसम्ममा देवघाट मापन केन्द्रमा ८ दशमलब ६९ मिटरमा रहेको छ । ७ दशमलब ३ मिटर पार गरेमा सतर्कता तह पार गरेको मानिन्छ । यसअघि हिजो रातिसम्ममा यसै क्षेत्रमा पानीको सतह खतराको तह पार गरेको थियो । राति पानीको सतह ९ दशमलब ६ मिटरसम्म पुगेको थियो । यहाँ अहिले पानीको बहाब बढ्ने अवस्थामै रहेको छ ।

यस्तै नारायणी नदी पुल क्षेत्रमा भने पानीको सतह सतर्कता तह भन्दा माथि नै छ । विहान ८ बजेसम्ममा पानीको सतह ११ दशमलब ६३ मिटर रहेको छ । यहाँ ११ मिटर पुगेमा सतर्कता तह पार गरेको मानिन्छ ।