नेपाल एयरलाइन्सको वाइडबडी ए ३३० (९ एन–एएलजेड) जहाज टायर फेर्न नसक्दा त्रिभुवन अन्तर्राष्ट्रिय विमानस्थलमै रोकिएको छ ।
नियमित रुपमा परिवर्तन गर्नुपर्ने पछाडिको टायर निगम व्यवस्थापनले फेर्न नसक्दा विमानस्थलमै रोकिएको हो । जहाज दिउँसो १ः२५ बजे दिल्ली जाने तयारीमा थियो । तर एउटा पांग्रा फेर्न नसक्दा विमानस्थलमै रोकिएको छ ।
त्यस्तै जहाजमा २१५ जना दिल्ली जाने र दिल्लीबाट काठमाडौं आउन पर्खिरहेका २७० जना यात्रु विमानस्थलमै अलपत्र परेका छन् । यात्रुहरुलाई विमानस्थल भित्रै व्यवस्थापन गरिएको भएपनि कतिपय यात्रु दिल्लीबाट तेस्रो मुलुक जानु पर्ने हुँदा समस्यामा परेको छ ।
निगमका एक अधिकारीका अनुसार जहाजको टायर फेरेर आजै ५ बजेसम्म जहाज उडाउने तयारी भइरहेको जानकारी दिए ।
