बुधबार संसद सचिवालयमा महाभियोग सुनुवाइ समिति समक्ष बयानका क्रममा निलम्बित प्रधानन्यायाधीश चोलेन्द्र शमशेर जबराले नेपाल बार एसोसिएसनका तत्कालीन पदाधिकारीले आफूसँग उच्च अदालतको मुख्य न्यायाधीश पद मागेको दाबी गरेका छन् ।
सांसद कृष्णभक्त पोखरेलको प्रश्नको जवाफ दिदै उनले तत्कालीन नेपाल बार एसोसिएसनकाअध्यक्ष चण्डेश्वर श्रेष्ठ र महासचिव लिलामणि पौडेलले उच्च अदालतको मुख्य न्यायाधीश पद मागेको दाबी गरेका हुन् । त्यस्तै उनीहरुले आफ्नो चेम्बरमा आएर पदको बार्गेनिङ गरेको पनि आफूले सो पद नदिँदा आन्दोलन भएको उनको भनाइ छ ।
