नेपालमा पछिल्लो २४ घण्टामा ४३८ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार एक हजार ७७९ पीसीआर र एक हजार ९२० एन्टिजेन परीक्षण गर्दा ४३८ जनामा संक्रमण पुष्टि भएको हो । यस्तै २७७ जना संक्रमणमुक्त भएका छन् भने आज दुई जनाको संक्रमणबाट मृत्यु भएको छ । हाल देशभर कोरोना भाइरसको सक्रिय संक्रमितको संख्या चार हजार ३६९ रहेको छ ।
सक्रिय संक्रमितमध्ये चार हजार २१८ जना होम आइसोलेसनमा र १५१ जना संस्थागत आइसोलेनमा छन् ।
