अमेरिकी गायक जेसन डेरुलाको चर्चित गीत ‘टक डर्टी’ सँग इन्दिरा जोशीको नयाँ गीतको बिट र कम्पोजको केही अंश मिल्दोजुल्दो देखिएपछि उनलाई चोरीको आरोप लागेको छ ।
एक साताअघि सार्वजनिक इन्दिराको ‘पछ्यौरी’ गीत एक अंग्रेजी गीतबाट प्रभावित भएको आरोप लागेको हो । शुक्रबारसम्म उनको उक्त ‘पछ्यौरी’ गीत ३ लाख ५१ हजार पटक हेरिएको छ ।
सन् २०११ को एल्बम डान्स विथ मीबाट सांगीतिक करिअर थालेकी इन्दिरालाई पहिलोपटक सिर्जना चोरीको आरोप लागेको हो ।
