चितवनमा बाघको आक्रमणबाट गम्भीर घाइते भएकी महिलालाई काठमाडौँ रिफर गरिएको छ । आज बिहान बाघको आक्रमणबाट गम्भीर घाइते भएकी महिलालाई थप उपचारको लागि भरतपुरको पुरानो मेडिकल कलेजबाट काठमाडौँस्थित ट्रमा सेन्टरमा रिफर गरिएको हो ।
जिल्ला प्रहरी कार्यालय चितवनका अनुसार खैरहनी नगरपालिका वडा नं १३ की ३८ वर्षीया बालिका गुरुङलाई बाघले आक्रमण गरेको थियो । उनलाई बिहान करिब ८ बजेको समयमा कुमरोज मध्यवर्ती सामुदायिक वनमा घाँस काट्न जाने क्रममा बाघले आक्रमण गरेको प्रहरीको भनाइ छ ।
