नेपाल मोबाइल व्यवसायी महासंघ चितवन शाखाको अध्यक्षमा प्रकाश अर्याल चयन भएका छन् ।
महासंघको बागमती प्रदेशको राजधानी हेटौंडामा भएको एक कार्यक्रमबाट चितवन शाखा गठन गरिएको हो । उपाध्यक्षमा विक्रम कंडेल र सचिवमा सुरेश भट्टराई चयन भएका छन् । यस समितिले चितवन शाखालाई विस्तार गरेर अघि बढ्ने छ । महासंघले शाखा विस्तार अभियान अन्तरगत चितवन शाखा गठन गरेको हो ।
मोबाईल व्यवसायीहरुलाई एकै छानामुनी ल्याउनको लागि संगठन विस्तार गरिएको महासंघका केन्द्रीय सदस्य तथा कार्यक्रम संयोजक छतेन्द्र आचार्यले जानकारी दिए ।
महासंघका अध्यक्ष भरत भट्टराईको अध्यक्षतामा संगठन विस्तार तथा परिचयात्मक कार्यक्रम सम्पन्न भएको थियो ।
