नेपाल विद्यार्थी संघ (नेविसंघ) सप्तगण्डकी बहुमुखी क्याम्पस इकाई समितिले आइतबार विश्व वातावरण दिवसको अवसरमा वृक्षरोपण एवं सरसफाई कार्यक्रम गरेको छ ।
कार्यक्रमका प्रमुख अतिथि विद्यार्थी नेता एवं नेविसंघ सप्तगण्डकीका निवर्तमान सभापति राजेश भुषालले वृक्षरोपण गरेर कार्यक्रमको सुरुवात गरेका थिए । इकाई सभापति साजन गुरुङको अध्यक्षतामा भएको कार्यक्रममा विद्यार्थीहरुले विभिन्न किसिमका वृक्षरोपण गरेका थिए । इकाई सभापति गुरुङले नेविसंघ केन्द्रको निर्देशन अनुसार नै वातावरण दिवस वृक्षरोपण गरेर मनाईएको बताए ।
उनले वृक्षरोपणले कलेजको वातावरण राम्रो बन्नुको साथै मानव स्वास्थ्यका लागि फाइदाजनक रहेको भन्दै रोपिएका बिरुवा राम्रोसंग हुर्काउन सबै विद्यार्थीहरुको उत्तिकै भूमिका रहेको बताए ।
