चितवन विशेष

हरिजन मृत्यु प्रकरणः भरतपुरमा विरोध प्रदर्शन

Banner

चितवन,जेठ १७-

रोल्पा कारागारमा मृत भेटिएका सुन्दर हरिजनको घटनामा छानबिन गरेर दोषीलाई कारबाही गर्न माग गर्दै मंगलबार भरतपुरको चौबिसकोठीमा विरोध प्रदर्शन गरिएको छ । जात व्यवस्था उन्मूलन मोर्चा नेपालले विरोध प्रदर्शन कार्यक्रम आयोजना गरेको थियो । कार्यक्रममा बोल्दै मोर्चाका वाग्मती प्रदेश संयोजक महाविर विश्वकर्माले सुन्दरलाई न्याय नमिल्दासम्म आफ्नो संगठनले कार्यक्रमहरु जारी राख्ने बताए ।

हातहतियार र फिरौतीको आरोपमा तीन पटक जेल परिसकेका विजयविक्रम शाहलाई बाहिर निकालेर उनको नाममा जेलमा राखिएका नाबालक सुन्दर हरिजन रोल्पा कारागारमा मृत भेटिएका थिए । यो घटनाको न्यायिक छानबिन गरेर दोषी देखिने हरेकलाई कारबाही हुनु पर्ने वक्ताहरुले माग गरे । ‘प्रहरीदेखि न्यायाधीससम्म शंकाको घेरमा छन् । त्यसैले राम्रोसँग छानबिन हुनु पर्दछ,’ मोर्चाको वाग्मती संयोजक विश्वकर्माले भने ।

रामपुर चितवनको कृषि तथा वन विज्ञान विश्वविद्यालयको दलित विद्यार्थी समाजका शोभा पासवानले दलित समुदायमाथि समाज र राज्यले नै लगातार जासो आक्रमण गरेको बताइन् । कार्यक्रममा वैज्ञानिक समाजवादी कम्युनिष्ट पार्टी नेपाल चितवनका सचिव रमेश रसाइलीले घटना गम्भीर खाले मानवीय अपराध भएका कारण यसको छानबिन र कारबाही प्रक्रिया राज्यस्तरबाट तुरुन्त हुनु पर्ने माग गरे । कार्यक्रममा परि विक्रम र सुप्रदीप्ती भण्डारीले कविता वाचन गरेका थिए । कार्यक्रममा दलित अधिकारकर्मीहरुका साथै विभिन्न राजनैतिक र सामाजिक व्यक्तिहरु प्लेकार्डसहित विरोध प्रदर्शनमा उत्रेका थिए ।

तपाइको प्रतिक्रिया दिनुहोस्

Leave a Reply

Your email address will not be published. Required fields are marked *

>