भरतपुर महानगरपालिकाका–१० का वडा अध्यक्ष परमेश्वर खनालले आज (बुधबार) पदभार ग्रहण गरेका छन् ।
एक औपचारिक कार्यक्रमकाबीच खनालले पदभार ग्रहण गरेका हुन् । सो क्रममा उनले आफ्नो पाँच वर्षे कार्यकालमा सबैलाई समान सेवा प्रदान गरि साझा वडा कार्यालय निर्माणमा प्रतिवद्ध भएर लाग्ने बताए । उनले राजनीतिक पूर्वाग्रहका आधारमा कसैलाई काखा कसैलाई पाखा नगरिने स्पष्ट पारे ।
भरतपुर महानगरको नमुना वडा निर्माणको अभियानमा सबैको साथ सहयोगको अपेक्षा गर्दै सबैसंग हातेमालो गर्दै अघि बढ्ने प्रतिवद्धता जनाए । वडा अध्यक्ष खनालले आफूलाई निर्वाचित गराउन महत्वपूर्ण भूमिका खेल्ने सम्पूर्ण वडाबासीलाई धन्यवाद ज्ञापन गरेका छन् । खनाल भरतपुरका २९ वडा मध्यका सबैभन्दा कान्छा वडा अध्यक्ष हुन् ।
यस्तै वडा सदस्यहरुमा निर्वाचित रेशमराज थापा (ऋषि), सूर्यबदना हमाल, पार्वती नेपाली र निरबहादुर लामाले समेत पदभार ग्रहण गरेका छन् ।
