चितवनको भरतपुर महानगरपालिकामा गठबन्धनका उम्मेदवार रेणु दाहालले अग्रता कायम गरेकी छन् ।
पछिल्लो मतगणनाअनुसार माओवादी केन्द्रकी नेतृ रेणु दाहालले ६ हजार १९मत पाएकी छन् ।एमाले उम्मेदवार विजय सुवेदी ५ हजार ९ सय ५६ मतका साथ पछ्याइरहेका छन् । कांग्रेसका बागी उम्मेदवार जगन्नाथ पौडेल (भुईकटहर) २ हजार ९ सय ३७ मत पाएका छन् ।
भरतपुरमा कांग्रेस, माओवादी र एकीकृत समाजवादीको गठबन्धनबाट रेणु तथा एमाले र राप्रपा गठबन्धनबाट विजय मेयरका उम्मेदवार छन् । उपमेयरमामा कांग्रेसका चित्रसेन अधिकारीले ७ हजार ३ सय ४६ मतसहित अगाडि छन् । उनलाई राप्रपाका हिमला गुरुङ ४ हजार ८ सय ८३ मतसहित पछ्याइरहेका छन् ।
