Breaking News
नेपाली कांग्रेसले लेख्न थाल्यो घोषणा पत्र, पुरा गर्न नसक्ने कुरा नलेख्ने
काठमाडौँ, वैशाख ७–
सत्तारुढ दल नेपाली कांग्रेसले स्थानीय निर्वाचनलाई लक्षित गरि आजदेखि घोषणा पत्र लेखन सुरु गर्दैछ ।
देशभरबाट सुझाव संकलन गरिएपछि घोषणा पत्र लेख्न थालिएको हो । कांग्रेसले महामन्त्री गगनकुमार थापाको नेतृत्वमा घोषणा पत्र लेख्न लागेको हो । यसपटक कांग्रेसले स्थानीयस्तरबाट पनि प्रतिबद्धा पत्र तयार गरी सार्वजनिक गर्ने तयारी गरेको छ। उम्मेदवारका भिन्नै र पार्टी समितिबाट भिन्नै प्रतिबद्धता पत्र हुनेछन्।
केन्द्र र स्थानीयस्तरमा बनाइने घोषणा पत्रमा पूरा गर्न नसकिने खालका विषय समावेश नगर्ने गरि काम गर्न थालिएको बताईएको छ । कांग्रेसले शिक्षा, स्वास्थ्य, रोजगारलगायतका विषयलाई प्राथमिकताका साथ घोषणा पत्रमा समावेश गर्ने तयारी गरेको छ। नेकपा एमालेका अध्यक्ष केपी शर्मा ओली सरकारले विगत ३ वर्षमा गरेका नराम्रा कामबारे पनि घोषणा पत्रमा केही बुँदा हुनेछन्।
कांग्रेसले घोषणा पत्रका लागि २०७४ मा पार्टीबाट निर्वाचित जनप्रतिनिधि, पार्टीका नेता तथा कार्यकर्ता, विज्ञहरू र सर्वसाधारण जनताबाट सुझाव लिएको थियो।