चितवन मेटल इन्जिनियरिङ्ग एण्ड फेब्रिकेशन उद्योग समितिको तेश्रो साधारण सभा तथा दोश्रो अधिवेशनले पुनः ताराबहादुर कार्कीलाई अध्यक्षमा चयन गरेको छ ।
समितिको उपाध्यक्षहरुमा कृष्ण प्रसाद भण्डारी, मोहनलाल श्रेष्ठ, राजु पुडासैनी, सचिवमा दुर्गालाल सापकोटा, कोषाध्यक्षमा राजकुमार श्रेष्ठ, सह–सचिवमा रुकेश सापकोटा चयन भएका छन् । यस्तै सदस्यहरुमा सूर्य प्रसाद तिमिल्सिना, रामहरि कँडेल, युवराज बराल, लोकनाथ सुवेदी, उद्धव न्यौपाने, वीरेन्द्र बहादुर दवाडी, विवेक देवकोटा, धर्मराज अधिकारी र सन्तोष श्रेष्ठ चयन भएका छन् ।
नवनिर्वाचित समितिका अध्यक्षलाई निर्वाचन मण्डलका संयोजक चितवन उद्योग संघका कार्यकारी निर्देशक गणेशप्रसाद सिलवालले र अन्य पदाधिकारी एवम् सदस्यहरुलाई अध्यक्ष कार्कीले सपथ ग्रहण गराउनु भएको थियो । १६ सदस्यीय नयाँ कार्यसमितिको कार्यकाल २ वर्षको रहने छ ।
