गत शुक्रबार र शनिबार हिमपातका कारण अवरुद्ध भएको रसुवागढी नाकाबाट आयात पुनःसञ्चालन भएको छ । सञ्चालन भएसँगै चिनियाँ भूभागबाट नौ वटा टेलरमार्फत सामान नेपाल आयात भएको छ ।
सडकमा बाक्लो हिउँ जमेका कारण रोकिएको कन्टेनर हिउँ पग्ल्लिए पछि बुधबारबाट पुनः सञ्चालनमा आएको हो ।
रसुवागढी मितेरी पुलमा तैनाथ सुरक्षाकर्मीका अनुसार बुधबार नौ वटा चिनियाँ टेलरमार्फत आएका सामग्री नेपाली सवारी साधनमा पल्टिभई परीक्षणका लागि भन्सार हातामा पठाई सकिएको छ।
चिनियाँ नयाँ वर्षका अवसरमा सोमबार र मङ्गलबार बन्द भएर बुधबार मात्रै खुला भएको नाका गत शुक्रबार र शनिबार हिमपातका कारण फेरि अवरुद्ध भएको थियो।
