सातौं जिल्ला अधिवेशन अन्तर्गत नयाँ नेतृत्व चयनका लागि दैलेखमा भएको नेकपा एमालेको निर्वाचनमा खसेको भन्दा बढी मत भेटिएपछि मतगणना स्थगित गरिएको छ ।
एमालेका केन्द्रीय सदस्य धर्मराज रेग्मीका अनुसार ७१८ मत खसेकोमा ३१ मत बढी आएर ७४८ मत भएपछि मतगणना स्थगित गरिएको हो ।
एमाले दैलेखमा जम्मा ७२१ मतदाताको संख्या रहेको थियो ।
एमाले दैलेखमा अध्यक्षका लागि सूर्यबहादुर शाही र रविन्द्रराज शर्माबीच प्रतिस्पर्धा भइरहेको थियो र अब केन्द्रीय निर्वाचन आयोगको छानबिनपछि मात्र थप प्रक्रिया अघि बढाइने रेग्मीले बताए ।
