नेपालीको मौलिकतासँग जोडिएको टोपीको प्रवर्द्धन गर्ने उद्देश्यसहित केही वर्षदेखि स्वतः स्फूर्त रुपमा अङ्ग्रेजी नयाँ वर्षको पहिलो दिन टोपी दिवस मनाउन थालिएको छ ।
पछिल्ला नौ वर्षदेखि नयाँ वर्षको पहिलो दिन जनवरी १ (पुस १७) मा नेपालमा टोपी दिवस मनाउन थालिएको हो ।
विषेशगरी भाद्गाउँले टोपी र ढाका टोपीलाई नेपाली टोपीका रुपमा लिने गरिन्छ । तर नेपालका विभिन्न समुदायले आ–आफ्नो पहिचान र परम्परा झल्किने खालका टोपी लगाउने गरेका छन्।
टोपी दिवसका दिन नेपाल र नेपालबाहिर रहेका नेपाली समुदायले विभिन्न कार्यक्रमको आयोजना गरेर यो दिवस मनाउँने गर्छन् ।
