स्तरोन्नतिका लागि आजदेखि १५ दिनसम्म राप्ती लोकमार्ग अन्तर्गत दाङ-सल्यान सडकखण्ड दैनिक आठ घण्टा बन्द हुने भएको छ ।
जिल्ला प्रशासन कार्यालय सल्यानका सहायक प्रमुख जिल्ला अधिकारी थमन खड्काका अनुसार स्तरोन्नतिका लागि सल्यान–दाङ सडकखण्डमा पर्ने कपुरकोट-चोरखोला सडकखण्ड बन्द गर्न लागिएको हो
उनका अनुसार दैनिक बिहान ७ बजेदेखि ९ बजेसम्म, बिहान ११ बजेदेखि दिउँसो ३ बजेसम्म र साँझ ५ बजेदेखि ७ बजेसम्म गरी आजदेखि २५ गतेसम्म दैनिक तीन पटक सडक बन्द हुने छ ।
त्यस्तै सहायक प्रजिअ खड्काका अनुसार यो अवधिमा अत्यावश्यक सवारी साधनका लागि वैकल्पिक बाटोको लागि कपुरकोट–पैयाखोर डाइभर्सनको रुट प्रयोग गर्न सकिन्छ ।
