बेलायतमा ओमिक्रोन र डेल्टा तिव्र गतिमा फैलिरहेको र कोरोना संक्रमितको संख्या पनि अहिले सम्मकै उच्च रहेको छ ।
एक पत्रकार सम्मेलनमा मुख्य चिकित्सा अधिकारी प्रोफेसर क्रिस व्हिटीले बेलायतमा बुधवार ७८ हजार ६ सय १० जनामा संक्रमण देखिएको र यो अहिलेसम्मकै उच्च भएकोले आगामी दिनमा स्थिति अझै भयावह हुन सक्ने बताए । उनले क्रिशमस नजिकिँएको भन्दै सामाजिक दूरी र स्वास्थ्य मापदण्डलाई ख्याल गर्न आग्रह समेत गरेका छन् ।
प्रधानमन्त्री बेरिस जोनसनले हरेकलाई बुस्टर लगाउन आवश्यक भएको बताए। त्यस्तै उनले पछिल्लो दिनमा संक्रमणको मामला दुई गुणा बढेको र अस्पताल भरिएको बताए।
यस अघि यसै वर्षको जनवरी ८ मा एकै दिन ६८ हजार जनामा कोरोना पुष्टि भएको थियो जतिबेला बेलायतमा लकडाउन थियो।
