भरतपुर अस्पतालको प्रयोगशाला कक्षमा आगलागी भएको छ । आज बुधबार प्रयोगशालामा अचानक भएको आगलागीलाई अस्पतालमा राखिएका फायर एट्याक्ट ग्याँसबाट निभाइएको छ । प्रयोगशाला कक्षमा विद्युत सर्ट भएर आगलागी भएको हुन सक्ने प्रारम्भिक अनुमान गरिएको छ । आगलागीबाट टेबल र तार जलेका छन् । अचानक आगोको मुस्लो निस्किएपछि केहीबेर अस्पतालमा भागदौड भएको छ ।
आगलागी भएपनि ठूलो क्षति हुनबाट जोगिएको अस्पतालका सूचना अधिकारी गोपाल पौडेलले जानकारी दिनुभयो ।
